Ik zoel vandaag eigelik wat zinge,
Maar miene keel steit daor eg nett op te springe,
Ik kan wal eg zinge,
Det is gen gein,
Want veurig jaor beej de herfshane waar ik nummer ein,
Maar maak og neet drök ik heb auk andere kwaliteite,
Iets wat geej netuurlik neet kin weite,
De blierickse reveu kin mich wal begaaje,
Daorum haop ik og met dees weurd te paaije,
Variete is ein stuk van mien kinne,
Hopelik kin ik og daormei winne,
Ik veul mich net kluun,
Heej op dees buhne,
Ik mot zegge variete is n apart vak,
Gelökkig bin ik daorveur nog neet gezak,
Eigelik woel mien mooder heej auk staon,
Maar op ’t letste moment is zeej naor marcato mondial gegaon,
Det is auk belangriek veur blierick,
Maar de reveu is toch vuul leuker, bin ens ierlik,
Gaer zoe ik speule tösse alle luij,
In dees schoene blierickse reveu,
Zonder de hoofdrol,
Heb ik auk wal lol,
’t leuk vindend as ik dit bliericks rundje mei zoel meuge dreije,
gaon ik og toch noo eg gedaag zweije,
wilt geej dan eg niks weite, van mien kwaliteite,
zeg ik bedank, adije, haije ik gaon pleite.
Bedank veur ogge aandag!
Auteur: shiningstar | ||
Gecontroleerd door: christina | ||
Gepubliceerd op: 22 juni 2008 | ||
Thema's: |