Gans radeloos bin iech beginne te beije.
God maag iech miech door mien geveul loate leije.
God is ut fout tot iech oan hur bleif dinke.
God veurwat is ut of iech in driefzand bin oan ut zinke.
God wie kom iech dr bei um uuch dit te vroage.
God maag iech wel bei uuch koume kloage.
God bin iech dit neet un bitsje zelf sjuld.
God veurwat vroag geer vaan miech zoevul geduld.
Wie iech zoe in mien eige zoat te dinke.
Woar ut of iech un stum hoord klinke.
Die gans stel tege miech woar oan ut fluustere.
Beste jong diech moos ins noar miech luustere.
Leefde is un geveul boe doorste diech maags loate leije.
Ut is zeker neet fout este oan hur dinks terwijlste zits te beije.
Dat geveul totste langsaam wegzaks is ech neet nudig huur
Want door dien leefde steit dien hart in vlam en vuur
Netuurlijk maagste bei miech hey alles vroagge
Zows uns moote weitte hoevul lui hei komme kloage
oan dien geveul kinste ouch neet vul doen.
totste dat geduld kins opbringe steit diech sjoen.
iech begreep pas later wat heer bedoelde met die weurd.
heer wow zegge bis blei tot diech dit gebeurd.
de kins zoe hiel good teste wie strerk of ste bis.
en op die menier kreigste tied um te kieke ofste diech neet vergis.